Wón jo był wuznamny komponist a rozgłosowy muzikowy redaktor. Kulojska cerkwina wósada jo cyniła znata, až jo Ulrich Pogoda pónjeźele 31. awgusta w starstwje 72 lět zemrěł.

Ulrich Pogoda jo był něcht, ako jo wěcy zmóžnjał. Ako muzikowy redaktor jo źěłał wót lěta 1985 až do 2019 w serbskem rozgłosu. We wušej 30 lětach jo se wó to starał, až dolnoserbski muzikowy swět rosćo. Wón jo stwórił kontakty do wšych muzikowych sferow, pśeznanił druge komponisty se interesěrowaś za to serbske, jo dobył producenty, tekstarje a interprety stwóriś serbsku muziku a jo spěchował lěto wob lěto młode talenty. Pśez to jo wobnowił a wobogaśił muzikowy profil serbskego radija.