Na kótare artikele mógu se cytaŕki a cytarje wósebnje wjaseliś?

Myslim se, až wjele źiśi buźo swójich pśijaśelow, sebje samego abo sebje samu na fotach wiźeś. W tom wudaśu dajo někotare rozpšawy k serbskim zarědowanjam w horśe, šuli a zwenka šule. Kak jo se raźił lětosny balokopaŕski turněr serbšćinaŕkow a serbšćinarjow? Chto jo dobył Serbske cytańske wuběźowanje 2026? Cogodla jo cytanje na kutšy z knigłow „Danka a Janka“ tak wósebne było? Kaku tradiciju woplěwaju w „Horśe móžnosćow“ we Wětošowje wósebnje raźi? To wšykno zgóniju źowća a gólcy w swójom serbskem casopisu.

Co dajo hyšći w Płomjenju?

Ako w kuždem wudaśu dajo memory-kórtki a wokablowe kórtki za wustśiganje. Tema memory-graśa jo sad a tema kórtkow z wokablami jo zwěrjeńc. Wušej togo pókšacujomy ze seriju ku gójeńskim zelam a rostlinam našeje domownje, tenraz stoj rumańk w srjejźišću. Dalšny artikel jadna wó dolnoserbskem pismojstwje w 19. a prědnej połojcy 20. stolěśa. Mimo togo pśedstajijomy někotare rědne a zajmne městna w Pólskej a Českej.

Cośo hyšći něco pódšmarnuś?