Alena Macmillan (nalěwo) ze Zgórjelca jo módrośišćowa designerka. Pśi jawišćowem rozgronje z Michaelom Apelom jo pódšmarnuła, až toś ta tekstilna tradicija njesmějo se zgubiś. Stojnicu jo měła na serbskich wikach w Grodku a tam teke woglědaŕce wót Serbskego swajźbaŕskego śěga z Mósta pówitała. Foto: Jost Schmidtchen 
Z Grodka/Spremberg. Njeźelu jo se wótměł jaden wjerašk tych swěźeńskich zarědowanjow w bogatej licbje ku góźbje 725. jubileja města Grodk, ga zgromadny swěźeń z wikami a kulturu pód motom „Gromaźe wesrjejź / Gemeinsam mittendrin“. Wjele woglědari z Grodka a wótwenka Grodka jo pśichwatało na swěśenišćo na Łucnej gasy 1 w Grodku, źož jo jim něgajšny wjednik wót Spremberger Kino und Kultur GmbH, aktualny župan župy Dolna Łužyca a jadnaŕ wót Dompro Michael Apel wjeliki, njezabytny źeń wob-raźił. Gromaźe z chóśebuskim a grodkojskim cerkwinskim ewangelskim krejzom Serbow a z Domowinu jo dało wokoło Jawišća pód gołym njebjom pyšny program z wjele muziku, ...
... serbskimi drastwami, nimsko-serbskeju namšu (wěcej ku tej namšy cytaśo pśiducy tyźeń!) a serbskimi wikami. Tek sobustatkujuce njejsu póbrachowali a kšasne póznolěśojske wjedro jo idealne było.