Plakat pśi alternatiwnem bydleńskem projektu K29 w Měsće. Ten tekst póśěgujo se na wobzamknjenje měsćańskego parlamenta pśeśiwo wósebnym formam gendrowanja w oficielnej komunikaciji. Foto: Šyman Blum 
Dejali w serbskej rěcy „gendrowaś“? A kak mógało to wuglědaś? K takim pšašanjam smy mógli we aprylu wšake intresantne myslenja we rbb-pśinosku „Gendrowaś a rodyspšawna rěc“ słyšaś (wót 16. apryla 2026). To jo mě k tomu pó-gnuło, how na někotare dalšne aspekty a problemy pokazaś, ako su za mójim zdaśim wažne za tu diskusiju.
Nejpjerwjej pak cu krotko wujasniś, dla cogo maju luźe „normalnu“, njegendrowanu rěc za problematisku. We tom rbb-pśinosku źo wó dwa głownej problema: