Z Picnja/Peitz. Picanarje su zajźony kóńc tyźenja na tśich dnjach swój zbliska a zdaloka znaty a mjaztym 70. Rybaŕski swěźeń w ludowem parku a na swěźeńskej łuce swěśili. Za rybarjow wokoło Picańskich gatow płaśi wón teke ako zachopjeńk karpowych žnjow, wšak słuša picańska karpa k regionalnym delikatesam. Wušej togo jo se wótměł toś ten ludowy swěźeń pśi góźbje 725. jubileja města Picnjo.