Wšykno kwiśo a rosćo. W momenśe móžomy w gumnje wjele žněś. Nic jano sad, zeleninu, zela, kwětki, ale teke lawendel móžomy stśigaś.

Ale co dejmy cyniś z lawendelom? Z togo móžomy basliś wěnce abo měški za drastwine lodki abo małe lawendelowe soniny.

1. Zběraś a rězaś

Nejpjerwjej musyśo wokwiśony lawendel dłujko ze zagrodniskimi nožycami wótstśigaś a pón móžośo glědaś, co hyšći w zagroźe namakajośo. Ja som se rozsuźiła za wokwiśony mak a wokwiśonu žydowu brodu. Wót maka som hyšći žněła semje za seśe w nowem lěśe.

Ze źěłaŕnje som wzeła klěšće a drot.

 2. Pšawje stśigaś a wiś

Lawendel wót małych łopjenow a nadbytkowych kwiśonkow wulichowaś a k małym bundliškam gromadu scyniś. Teke žydowu brodu wót łopjenow wulichowaś tak ako sebje spódoba.

Dłujke kijaški lawendela skrotcyś, tak až kwiśonki twarje kóšulku a zbytk kijaškow twarje śěło. Wesrjejź śěła žydowu brodu abo głowu maka nutśi tyknuś ako głowa soniny. Pón wšykno z drotom fiksěrowaś.

 3. Kśidła a ruki