Z Města/Cottbus. Dla njewěstego wjedra jo było kradu wusko w běrowje: 34 wósobow jo dnja 14. julija w rumnosćach wótźělenja za regionalne wuwiśe a šćit mjeńšynow Serbskego instituta diskutěrowało pšašanja rěcnego wuknjenja dorosćonych. Pópšawem jo planowane było, aby se prědny rěd źěłaŕnickow projekta SROKA skóńcył na dwórje Serbskego muzeuma pód gołym njebjom. Dokulaž w toś tom tyźenju jo se teke wótměł kompaktny kurs Šule za dolnoserbsku rěc a kulturu, jo teke wušej 20 jeje kursistkow a kursistow pśišło.