Z Města/Cottbus. Kultura jo rozsuźecy faktor za pśichod wejsańskich regionow. To jo se něnt teke wědomnostnje wobkšuśiło. Slěźece wót Bramborskeje techniskeje uniwersity Chóśebuz-Zły Komorow (BTU) su prědny raz we wobšyrnej formje dopokazali, kak wjelgin kultura zmócnijo demokratiju a gromaduźaržanje we wejsańskem rumje. Pśeto kulturelne seśi spěchuju towarišnostne wobźělenje, aktiwěruju lokalny angažement, teke pśistarcyju regionalne wuwiśe a pśinosuju k tomu, až region se lěpjej spójźijo ze towarišnostnymi změnami. Studija jo zrownju pokazała: Trajne statkowanje se dojśpijo jano tam, źož dłujkodobny angažement se maka ze spušćobnymi spěchowańskimi strukturami.