Z Raduša/Raddusch. Insolwenca słowjańskego groźišća jo dosegajucy znata, mě Dawid Chmelík stoj za dezaster we toś tom turistiski charakterizěrowanem regionje – ak jo region z wót stolěśow starym słowjańskim nałogstwom. David Chmelík se staja swójej zagronitosći. Wó swójej tegdejšej motiwaciji, to groźišćo pśewześ, wó swójom njewuspěchu a swójich pśichodowych planach jo wón pónjeźele, 6. julija, w Radušańskej sportowej a kulturnej brožni powědał. Něźi dwa ducenta woglědari jo pśišło, mjazy nimi pśepóžycniki (Gläubiger) kaž teke zajmowane a narske, ga teke Radušanaŕki a Radušanarje, pśeto ze zgubjenim Słowjańskego groźišća jo ta wjas teke kus pśiśěgowańskeje mócy zgubiła.