Dnja 13. julija 1926 jo zemrěł we Wórjejcach knigłyśišćaŕ, wobsejźaŕ śišćaŕnje, redaktor, nakładnik, serbski procowaŕ kaž tež angažowany měsćanaŕ Awgust Lapštich (1862-1926). K jogo 100. pósmjertninam co župa „Handrij Zejler“ lětosa na togo pśesegajucego serbskego patriota spominaś. Pópšawem pak jo to teke za župu Dolna Łužyca a Dolnych Serbow góźba, na pódpěrowarja a pśijaśela serbstwa w tegdejšej pšuskej Dolnej Łužycy wopominaś. Togodla som toś ten artikel na jogo statkowanje za dolnołužyskich Serbow wusměrił a wobgranicował.

Póznawanje z dolnoserbskim pismojstwom ako pismostajaŕ