Kacper Fidek, abiturient Dolnoserbskego gymnaziuma, jo slěźił w šulskem casu w ramiku seminarnego kursa wó Serbach w pólskej Łužycy. Lucie Loichenojc jo se z nim do rozgrona dała, aby wón raz sebje a swójo źěło pśedstaji.

 1. Chto sy ty?

Dobry źeń, mě se groni Kacper Fidek, som 18 lět stary a něnto absolwent Dolnoserbskego gymnaziuma w Chóśebuzu. Som se naroźił w Pólskej w Žarowje/Żary a som teke tam bydlił w prědnych sedym lětach mójogo žywjenja. Pótom smy śěgnuli do Nimskeje, do Chóśebuza. How som był nejpjerwjej w zakładnej šuli Astrid Lindgren a pótom som śěł na Dolnoserbski gymnazium. Mója familija a ja smy pón zasej slědk śěgnuli do Žarowa. Něnto som złožył abituru a glědam za městnom na uniwersiśe. Cu slawistiku abo słowjańsku filologiju w Pólskej studěrowaś.

2. Kak jo ideja nastała, wó Serbach w Pólskej pisaś?