Aktualne wudaśe Rozhlada se dopórucyjo wšakich wósebnosćow dla. Tak by mógał na pśikład wót kumštneje inteligence (KI) generěrowany fiktiwny tekst narskosć jadnogo abo drugego cytarja wubuźiś. Leoš Šatava jo to był, kenž jo KI nadawk dał, fiktiwny tekst napisaś wó tom, kak mógała se awstralska grajaŕka Margot Robbie ze swójimi serbskimi kórjenjami zaběraś. Až wóna take ma a nejskerjej nejsławnjejša wósobina serbskego póchada w našom casu jo, wó tom jo Šatava južo w komentarje lětosnego měrcojskego wudaśa informěrował. Spócetny českorěcny KI-generěrowany tekst jo pón Sotra-app do górnoserbskeje rěcy pśełožyła. Jo to něnt prědny raz, až KI jo mjazy „awtorami“ jadnogo Rozhlada. „A nadźejam se, až to tak wóstanjo“, jo se redaktorka Rozhlada, Juliana Kaulfürstowa, napśeśiwo Nowemu Casnikoju k tomu wugroniła. „Som to planowała hako eksperiment a som se ekstra hobštelowała ten komentar wót Juliana Nyče (a som jare narska na diskusije).“