Z Města/Cottbus. Wjeliki wuspěch za Williama a Milu wót Dolnoserbskego gymnaziuma: Pla nimskego finale World Robot Olympiad (WRO) jo zabrał team wuběrne 3. městno a jo se kwalificěrował z tym za europejski finale, kótaryž se w oktobrje w Zagrebje (Chorwatskej) wótmějo.

Wuknika pětego lětnika zgromadnje twaritej a programěrujotej roboter z lego-źělow. Wugótowanje z motorom móžo toś ten – wótwisnje wót programěrowanja – wěcy pśimnuś, śišćaś a zwigaś. Za kuždy nadawk wuběźowanja se roboter dalej wuwija a pominanjam pśiměrijo.