Wuchacowy bob bu wuzwólony za „gójeńsku rostlinu lěta 2026“ – nic naslědku teke dla togo, až jo wažna rostlina za insekty a pokazujo rownocasnje, kak mógu źiwe rostliny rosć na suchej a chudej zemi. Wósebnje nocne mjatele, pcołki a druge woprošujuce insekty profitěruju wót jeje wjelikich žołtych kwiśonkow, kótarež wótcynjaju se akle we wjacornych góźinach.

Botaniske mě oenothera biennis póchada z grichišćiny a łatyńšćiny. „Oenothera“ jo nastało nejskerjej z grichiskeju słowowu oinosa („wino“) a tera („góńtwa“ abo „zwěrje“). Južo w antice su luźe se myslili, až rostlina móžo – z winom změšana – źiwjaki změrowaś. „Biennis“ groni „dwójolětnje“, dokulaž wuchacowy bob kwiśo zwětšego akle w drugem lěśe.