Ze Slěpego/Schleife. Pětk, 19. junija, je zwězkowe pśedsedaŕstwo (ZP) Domowiny w Slěpem wobradowało. Jadna tema jo była dalejwjeźenje projekta „ZARI – seś za serbsku rěc a regionalnu identitu“. Prědna spěchowańska doba se kóńc lěta zakóńcyjo. Wjednica projektowego managementa Diana Pawlikowa jo pśedstajiła doněntejšne wuslědki. Projekt, spěchowany pśez strukturne srědki Zwězka, źěła mjaztym styri a poł lěta a jo wusměrjony na to, górnoserbšćinu wóžywiś. W zajźonych lětach su w projekśe wótere napšawy pśewjadli, na pśikład sociolinguistiske slěźenje (mjazy drugim 30 rěcnych biografijow), akciski plan a źěło rěcnych motiwatorow. Tuchylu pśewjedu studiju etnolinguistiskeje witality górnoserbskeje rěcy „Serbska rěč w našim regionje“.

W nowej spěchowańskej pšosbje jo planowane, na wuslědki slěźenjow a aktualne napšawy natwariś. Tak kśě wósebnje na rěcnu situaciju w stronach župy „Michał Hórnik“ glědaś. Na pśikład kśě situaciju familijow pśi dwójorěcnem kubłanju pódpěrowaś. Zwězkowe pśedsedaŕstwo połnje pódpěra dalejwjeźenje ZARI.