„Apel na serbsku zgromadnosć: Buźćo sebjewědobne a powědajśo z nami (wuknjecymi) serbski! My sebje to wažymy!“ Tak nas pšosy Lena Weißhoff, linguistka a slawistka ze śěžyšćom pódwjacornosłowjańskich rěcow, w pśedsłowje togo Rozhlada. Bydli w Barlinju, ale se zajmujo za Łužycu, jo se teke wobźěliła na źěłaŕnicce projekta SROKA w aprylu, źož su diskutěrowali, kak móžo se serbska rěc lěpjej integrěrowaś do zarědowanjow regiona. Lena Weißhoff dajo nam k tomu doglědy do swójeje perspektiwy ako wuknjeca serbskeje rěcy.