Z Barlinja a Chóśebuza/Berlin und Cottbus. Kak klincy Łužyca? Kótare spomnjeśa, tšojenja a nazgónjenja se ze zukami asociěrowane? Kaku rolu grajo słyšanje/słuchanje pśi dopominanju a dožywjenju? Takim pšašanjam se pśiwobrośujo soundscape-projekt „Lausitzer Rhythmen/Łužyske rytmy“, kótaryž stej iniciěrowałej prof. dr. Astrid Schwarz, mějuca fachowy wobłuk Powšykneje techniskeje wědomnosći na Bramborskej techniskej uniwersiśe Chóśebuz-Zły Komorow (BTU), a prof. dr. Shintaro Miyazaki wót fachowego wobłuka medijoweje wědomnosći Humboldtoweje uniwersity Barliń. K tomu wugótujotej BTU Chóśebuz-Zły Komorow a Humboldtowa uniwersita Barliń dnja 4. a 5. junija zejźenje „Łužyske rytmy“ w Barlinju a Chóśebuzu. Ten interdisciplinarny forum stajijo temy wuměłskego slěźenja, medijowych wědomnosćow a technikoweje filozofije do srjejźišća. Zajmce su wutšobnje pśepšosone. Wobźělenje jo dermotne. Źěl foruma pětk, 5. junija, se wótmějo wót zeger 9:00 do jadnab zeger 17:30 we Łužyskej hali Chóśebuz.