Diese Seite drucken

Drastwa lěta 2026 jo...

Awtor: Katalin Porackojc stwórtk, 04. junij 2026
Z wšakich jsow srjejźneje a Dolneje Łužyce su pasiońske a jatšowne spiwaŕki do Lubnjowa pśichwatali. K. P.

Z Lubnjowa/Lübbenau. Z lěta 2006 pśepódajo Nimski drastwiny zwězk (Deutscher Trachtenverband/DTV) pó cełem swěśe jadnorazny predikat „Drastwa lěta“. Z toś tym pócesćenim pśipóznajo DTV procowanja towaristwow a kupkow, regionalne a narodne drastwy w Nimskej wobchowaś a je zjawnje pśedstajaś. Južo w lěśe 2013 jo se dolnoserbska swěźeńska drastwa z toś tym predikatom wuznamjeniła. Take pócesćenja se pśecej wótměwaju na Nimskem drastwinem dnju, kótaryž jo sobotu zwězany z markom tradicijow a generalneju zgromaźinu DTV mimo hundertow woglědarjow teke wušej 200 drastwynosaŕkow a drastwynosarjow z cełeje Nimskeje do Lubnjowa wabił.

artikel pógódnośiś
(0 )
Pšosym zalogujśo se, cośo-li komentar dodaś