Z Miłoćic/Miltitz. Wót 24. do 26. julija pšosy zasej z ruku gótowany festiwal, ako jo městno zmakanja z wjele serbskimi elementami, do Miłoćańskeje skały (Pśi Krabatowem kamjenju, 01920 Njebjelčicy/Nebelschütz). Festiwal njejo perfektny, ale sympatiski...

Witaj festiwal póbitujo zasej pisanu měšańcu z pśednoskami, filmami, rozgronami a muziku a se wě pśiwobrośijo se teke małym ze źěłaŕnickami a zajmnymi aktiwitami. Južo pětk, 24. julija, se wótwórijo festiwal z wjeźenim pó Miłoćańskej skale. Pótom se wótměnjuju wustupy muzikaŕkow a muzikarjow kaž Oskara Mira (z Pólskeje), duo Walburgi Wałdźic a Izabele Kałduńskeje, Jacke Schwarza a Willya z pśednoskom Grit Lemkoweje wó serbskem filmje a z programom krotkofilmow wót seśi Łužycafilm.