Wjele luźi jo jej južo serbski do mikrofona powědało – teke Birgit Nagelowa, ako źěła w Šuli za dolnoserbsku rěc a kulturu. Foto: H. Adam

„Naša reportaŕka Marja Elikowska-Winklerowa jo pódla była a rozpšawijo něnt wó tom“ – tak abo pódobnje

se w Bramborskem serbskem radiju pśipowěźujo cesćej

jaden pśinosk, kótaryž

jo toś ta žeńska ze serbskeju wutšobu „naźěłała“ za narskich pśisłucharjow a pśisłuchaŕki togo dolnoserbskego programa w radiju rbb.

Južo w casu DDR jo wóna źěłała casy za serbske radijo – nic kuždy źeń, a to za wětšy źěl ako moderatorka, ako wjeźo pśez program. To jo było w casu, ako běchu Jutta Kaiserowa, Rožamarja Šenkarjowa, Ludwig Kola a druge źěłali za dolnoserbsku „góźinku“ w programje radija DDR. „Som tencas wjele wót nich wuknuła, kak deje reportaže, powěsći a druge wusćełanja wuglědaś a kak se nejlěpjej zestajiju“, se wóna domyslijo na ten cas.