Sobustatkujuce na zarědowanju k wopominanju čornobylskeje nuklearneje katastrofy pśed 40 lětami: (wótlěwa) Thomas Bruhn, Lia Reuß, Nataliia Hrajvoronska a Günther Hornberger. 
Z Města/Cottbus. W nocy wót 25. na 26. apryla 1986 jo se stało w tegdy sowjetskem Černobylu, źinsa ukrainskem Čornobylu, nejwětše móžne njezglucenje (nimski GAU – größter anzunehmender Unfall). W atomowej milinaŕni jo se pśez cłowjecne njedocynjenje chopiło atomowe jědro rozškrěwaś, chłoźeńska wóda, luft a wšykno wokoło milinaŕnje jo se za ceło krotki cas kontaminěrowało z radioaktiwnymi promjenjami. Wětš jo tegdy roznjasł promjenja pśez Běłorusku do wjelich europskich krajow z konsekwencami až do źinsajšnego.
Na toś tu tragediju jo wobspomnjeło literariske zarědowanje w rěźe „Sowohl als auch“, na kótarež jo kazała Stefanie Krawcojc njeźelu, 26. apryla, do ECK 51 na Dwórnišćowej droze w Měsće. Wěcej ako 40 ukrainskich, nimskich a serbskich gósći jo pśichwatało.
