Z Města/Cottbus. Ewangelska cerkwja Barliń-Bramborska-šlazyńska Górna Łužyca (EKBO) a město Chóśebuz stej dałej k wěsći, až se wótmějo Łužyski cerkwiny źeń 2028 w Chóśebuzu. EKBO jen tam wugótujo wót 9. do 11. junija 2028. Z nim co wóna zajm chyliś na wusoku zwězanosć z tym regionom a pśinosk k tomu wugbaś, towarišnostnu změnu we Łužycy zgromadnje wugótowaś. Patronatstwo pśewzejotej ministaŕski prezident Bramborskeje dr. Dietmar Woidke a Ministaŕski prezident Sakskeje Michael Kretschmer.