Z Skjarbošca/Schorbus. Ku góźbje wejsnego jubileja jo Dietmar Schulze wobšyrne knigły zestajił a wózjawił. Pód titlom „Dorfgeschichten – Schorbuser erzählen - Festbuch zum 800-jährigen Jubiläum der Gemeinde Schorbus/Skjarbošc“ jo wón w swójskem nakładnistwje wudał 256 bokow tłustu twóŕbu, kótaraž by dejała spócetnje jano swěźeńske pismo wordowaś. Akle 2016 jo Dietmar Schulze ze swójeju žeńskeju Regina napisał chroniku „790 Jahre Schorbus : Chronik eines Niederlausitzer Dorfes / 790 lĕt Skjarbošc“, kótaraž cełu historiju jsy na 400 bokach zespominajo. Źaseś lět pózdźej jo nastała ideja to słowo – abo pisak – wobydlaŕkam a wobydlarjam Skjarbošca pśepódaś. 47 awtorkow a awtorow – mjazy nimi teke něgajšne Skjarbošcanarje a bóžko juž zemrěte – ze jsy, z pśisłušnego gmejnskego źěla Wólšynka (Oelsnig) a z Wjelikego Wóseńka (Groß Oßnig) su swóje dopomnjeśa a mysli napisali.