Z Pódstupima/Potsdam. W nazymje startujo na campusu w Złem Komorowje Bramborskeje techniskeje uniwersity (BTU) w ramiku bachelorowego studijnego směra wuceński amt za primarny schójźenk drugi pśedmjat serbšćina. Wót pónjeźela až do 15. julija mógu zajmce se procowaś.

Krajny zagronity za nastupnosći Serbow a statny sekretaŕ za wědomnosć a kulturu Tobias Dünow jo gronił wó studiumje a z tym zwězanych spěchowańskich móžnosćach: „To nejžlěpše jo: Dajo teke hyšći pjenjeze za to. Město Chóśebuz a wokrejs Sprjewja-Nysa kaž teke Załožba za serbski lud stajiju šćodre stipendije k dispoziciji. Wót źinsajšnego płaśi: Procuj se něnto!“