Kóńc januara su se tśi wósoby ze Šurmanojc familije w Serbskem domje swěźeński se rozžognowali na zasłužony wuměńk, a to pó swójom lětźasetki dłujkem angažementom za serbsku rěc, historiju a kulturu. Historikarja Pětša Šurmana jo južo Edmund Pjech cesćił we wudaśu Casnika zachopjeńk februara. Rozgrono z jogo žeńskeju a ceptaŕku za serbšćinu Angelu Šurmanoweju cytaśo w jadnom pśiducych wudaśow. A źinsa se pśiwobrośijomy Sabinje Siegowej (roźonej Šurmanojc), něgajšnej zastupnej direktorce Załožby za serbski lud.