Pśi nejrědnjej swěśecem słyńcu a nalětnych temperaturach jo było na slědnem dnju lětosnego februara – jaden źeń pśed meteorologiskim zachopjeńkom nalěta – cełe Rogozno na nogach. Pśeto: Wóni su how swój 130. zapust k wugnaśu zymy swěśili. Zyma ga jo mjaztym južo copnuła, a tak jo mógało 94 zapustowych pórikow, mjazy nimi 35 źiśi, w tradicionelnej swěźeńskej drastwje, a wjele pśiglědarjow se kradu wjaseliś na swěźeński pśeśěg pó tom měsćańskem źělu Chóśebuza pśi nejkšasnjejšem wjedrje.