Skóro zachopijo se nalěto. Wótbłyšćujo se ten lětny cas teke w měrcojskem Płomjenju?

Na kuždy pad! Aktualne wudaśe jo wjelgin pyšne. Źiśi mógu se južo wjaseliś na rědne wulicowanje z titelom „Wócuśenje nalěśa“, w kótaremž jadno źowćo dajo se ze starkeju na małe drogowanje pó wokolnosći. Wulicowanje mógu sebje zajmce teke wótsłuchaś. Wušej togo cytaŕki a cytarje mógu zgóniś mjazy drugim, kak nastawa tyca. Na dalšnyma bokoma dajo recept za papagajowy tykańc, kótaryž móžomy teke „tycowy tykańc“ pomjeniś, pśeto jo wón rowno tak barwojty ako tyca. Z takeju pisanosću mógu wšykne tak pšawje do nalěśa startowaś. No derje, snaź jano Feliks a Florian njemyslitej se hyšći na nalěśe, dokulaž dosć tšachotny woglěd pla zubnego gójca na njeju caka, ale wěcej wó tom cytaju źiśi w comicu.

Kótary artikel móžośo wósebnje dopórucyś?