Ze Žylowa/Sielow. Wótněnta ma towaristwo „Serbske koparje“ nowego pśedsedarja. To jo Fred Kaiser, dłujkolětny serbski šołta w Dešnje a sobuzałožaŕ togo towaristwa pśed 9 lětami. Teke w nowem pśedsedaŕstwje „Serbskich koparjow“ su nowe woblica. Mimo Franka-Norberta Siega z Chóśebuza, Paule Simulic z Barbuka a Horsta Adama z Chóśebuza buštej do nowego pśedsedaŕstwa Marcus Końcar z Depska a Domenik Krötel z Hochoze nowo wuzwólonej. Tśom doněntejšnym cłonkam w pśedsedaŕstwje jo se wugroniło wjeliki źěk za sobuźěło. Su to Feliks Šwjela z Drjenowa, Wyli Paška z Depska a Marko Golaš z Bórkow.