Z Mósta/Heinersbrück. Dawno jo se sezona zapustow startowała a we wupóžycaŕni serbskich drastwow w Mósće se kněžy wjelike žywjenje. Tu wupóžycaŕnju su Mósćanarje tegdy natwarili, pózdźej jo drastwina šlodaŕka Antje Lejnickowa (Lehnitzke) ju na starosći měła. W zachadnem lěśe jo pśewzeła wjednica janšojskego muzeja Rosemarie Tšukowa zagronitosć za tu wupóžycaŕnju. A wót toś togo lěta jo Domowinska kupka z Mósta ju pśewzeła.

Dogromady šesć žeńskich z kupki se stara wó wupóžycaŕnju. Ta wo-pśimjejo něźi 40 serbskich kóšulow a rowno teliko swěźeńskich šorcow, wušywanych cypjelow, wopaskow (Kittelchen), pódkóšulow, spódnych zecow a bantow. K tomu pśidu hyšći lapy, drastwine źěle za namšuhyśe, žyźane šorce a wšakorake bluze. Kuždy drastwiny źěl jo archiwěrowany a ma swój numer. Pótakem: Gaž se za někogo pasujuca drastwa zestajijo, ma se derje na to glědaś, až se njewupóžycyjo ten samski źěl dwójcy.