Ze Žylowa/Sielow. Źewjeśnasćo źowćow a dwa gólca žylojskego Witaj-horta „Njewjerica“ jo lětosa kradu njewšedne tšojeńko pśi programje ptaškoweje swajźby swójim starjejšym a gósćam prezentěrowało, pśi šesć wšakich pśedstajenjach. Na zachopjeńku jo wšo hyšći „normalne“ było. Zwěrjeta góle su se zmakali, aby swajźbu sroki Elwiry a wrona Rolanda pśigótowali. Ale naraz su wiźeli źiwnu błyskotatu gwězdu. Su spontanje rozsuźili, kosmisku łoź natwariś, a se wupóraś k tomu njeznatemu objektoju. „AstroWald“ su gronili swójomu jězdźidłoju, bóśon jo dejał jo wóźiś. Źiśelc Susi jo se starała wó „navi“. Ale pśi starśe jo dojšło k dramatiskim scenam, pśeto łoź „AstroWald“ njejo se žeden centimejtaŕ daloko pógibowała. Kak derje, až liška Ferdinand jo póznał, źo ta wěc klěco. Aku jo musał se lodowaś!