„Serbski źeń“

w Grodku

Lětosa buźo 725 lět, až jo se město Grodk prědny raz naspomnjeło w jadnom starem historiskem pismje. K tomu se pśewjedu wob cełe lěto młoge wósebne zarědowanja a swěźenje. Michael Apel, župan Domowinskeje župy Dolna Łužyca, jo do togo mócnje zapśěgnjony. Wón ga nawjedujo tam to towaristwo „Spremberger Kino und Kultur GmbH“ .

Za 30. awgust jo tam pśedwiźony wósebny „Serbski źeń“ z młogimi programami. K tomu su teke pśepšosone cłonki, kupki a towaristwa z Dolneje Łužyce a ze slěpjańskich a wórjejskich stron. Dokulaž se pak rowno samski źeń pśewjeźo w Bórkowach wjeliki Domowniski a drastwowy swěźeń, dej se něnto južo wó tom powědaś a rozsuźiś, chto jěźo do Grodka a chto do Bórkow. Wobej swěźenja ga dejtej se raźiś.

Głowna zgromaźina buźo w prědnej połojcy 2026