Lěc se kuždemu spódoba abo nic: Ako cłonk generacije pśed wuměńkaŕstwom musym pśiwdaś, až nam njejo se zglucyło, Schadowanku wót nałoga na tradiciju wuwijaś. To groni, na pśichodne generacije dalej daś. Zawěsće ma to teke z tym cyniś, až lěbda jaden młody dolnołužyski luź se wuznajo ako serbski, ale w nejlěpšem paźe ako bramborski, kenž jo chójźił za wěsty cas na serbsku wucbu. Ale dokulaž mě Schadowanka někotare lěta ako zmakanišćo za serbske rozgrona a towarišnosć wažna była, daju něnto mójo naraźenje za wóžywjenje Schadowanki do serbskego luda.