Z Města/Cottbus. Nowy program Serbskego ludowego ansambla (SLA) k Ptaškowej swajźbje respektiwnje k Zapustoju pód titelom „Falšne graśe“ jo sobotu wótpołdnja a wjacor, njeglědajucy na wjedrowe poměry, publikum w bogatej licbje do chóśebuskego Komornego jawišća pśiwabił. Premjera zeger 16:00 jo była na 88 procentow wupśedana, slědujuce pśedstajenje zeger 19:00 na 56 procentow.

Wjele woglědari jo tek wužywało móžnosć simultanego pśestajenja do nimskeje rěcy z wótpowědnym rědom. A wót wjele gósći jo było słušaś, až to pśestarcenje na jěsnjejšy cas (w zachadnych lětach jo se pokazał ten program zeger 20:00) jo było jim kradu witane, se lěpjej góźece. Wót młogich jo było słyšaś, až wěcej dolnoserbskich pasažow by se žycyli.