Diese Seite drucken
Chor Dolnoserbskego gymnaziuma jo se lětosa wjele aplawsa wót bóžko małego publikuma zasłužył. Foto: pm/Karl-Heinz Wandke
Co jo Schadowanka?
Awtor: Katalin Porackojc stwórtk, 27. nowember 2025
Chor Dolnoserbskego gymnaziuma jo se lětosa wjele aplawsa wót bóžko małego publikuma zasłužył. Foto: pm/Karl-Heinz Wandke
-
wjelikosć pisma
Schriftgröße verkleinern
Schrift vergrößern
Zajmne jo, až su naše koleginy a kolegi górjejcny artikel wó Schadźowance w Budyšynje pód titlom „Što je Schadźowanka?“ w Serbskich Nowinach wózjawili. Toś to pšašanje jo na kóńcu zarědowanja režijowa dwójka Maximilian Gruber a Milena Wowčerjec stajiła, a jo ned na to wótegroniła. Co jo Schadowanka za nas w Dolnej Łužycy, wó tom diskutěrujomy wjele lět. Abo lěpjej gronjone, wósebnje wó tom, pó kótarej wašni a źo móžomy ju pśewjasć, aby wěcej luźi ze serbskego swěta a rownocasnje wuknikow a absolwentow za to zagórili. W kafeteriji Dolnoserbskego gymnaziuma jo wósebnje band nAund pó programje wjele wuknikow pśiwabiła za party. Program sam jo sebje jano mała licba serbskich entuziastow, cesto ze serbskich institucijow, woglědała. Tśeśi raz jo Załožba za serbski lud wugótowała Schadowanku zwenka šule, pó Pisanem dwórnišću a Dizelowej milinaŕni lětosa w Gladhouse. Což jo nadpadnuło, jo wóteběrajuca licba woglědarjow – wuknikow kaž teke absolwentow a drugich. Lěcrownož chwale wjelebocny a zajmny program, se rownocasnje kritiski rozestajiju teke naše cytarje ze Schadowanku.