Spominamy na serbskego wuměłca, mólarja a grafikarja Jana Hanskego, kenž by toś tu wałtoru swóje 100. narodniny swěśił. Ten w Njebjelčicach (Nebelschütz) roźony Serb jo se pódał pó ludowej šuli – rowno tak ako tśi lěta staršy Jan Buk – do bliskego Kamjeńca, aby se na mólarja wukubłał. Pó studiumje na Fachowej šuli za nałožowane wuměłstwo w Pódstupimje jo pśeśěgnuł do Eisenhüttenstadta, źož jo wót 1955 statkował a źěłał w tamnem kombinaśe we wabjeńskim wótrěźe. Južo lěto pózdźej jo statkował ako wjednik wótźělenja w twaŕstwje a wót 1963 jo źěłał ako licho twórjecy grafikaŕ.