Z Brězowki/Halbendorf. Chto pjaco nejlěpšy „štrajzelowy“ tykańc? To jo kśěła Domowinska župa „Jakub Lorenc–Zalěski“ rada wěźeś a wu-zgóniś. Toś jo w amtskem casniku w Slěpem, pśez internet a na drugi part luźi w cełej slěpjańskej wósaźe wołała do takego wuběźowanja w pjacenju. Take wuběźowanje w pjacenju a warjenju typiskich a wjelgin woblubowanych serbskich jězow w tamnych stronach jo toś ta župa južo stwórty raz zasobu wugótowała. Slědne lěto jo šło wó nejlěpšu swaŕbarsku (swajźbowu) zupu, a tenraz jo był ten „štrajzelowy tykańc“, kótaremuž w Dolnej Łužycy gronje „krymjelowy tykańc“ abo „pósypowańc“, na rěźe.