Z Budyšyna/Bautzen. „Rěc jo naš nejwušy dobytk. Z njeju se rozestajaś a ju z nowymi srědkami a pśez nowe drogi trajnje rozšyriś – to jo głowny cel wuběźowanja ‚Rěč zwjazuje – Rěc zwězujo – Sorbisch verbindet‘. Wjaselimy se, až smy mógali jo mjaztym tśeśi raz wugótowaś a až bu wótnowotki wuběrnje pśiwzete.“ Z toś tymi słowami stej pśedsedaŕ Załožboweje rady Marko Kowar a zastupujuca direktorka Załožby za serbski lud Michaela Mošowa zajźony pětk wótwóriłej mytowanje pomjenjonego wuběźowanja w zalu budyšyńskego Serbskego doma, kótarež stej Syman Hejduška (kśidło) a Hanka Rjelcyna (spiwanje) muzikaliski wobogaśiłej.