Z Lipska/Leipzig. Južo chylu njejo wěcej prof. dr. Edward Wornaŕ direktor Instituta za sorabistiku na Lipšćańskej uniwersiśe. Pó jogo pśisamem dwa a poł lětźasetka trajucem direktorstwje pśewzejo zastojnstwo něnto – wochylu – slawistka prof. dr. Anna Artwinska. Wóna wobsajźijo katedru za slawistiske literarne slěźenja a kulturne studije, wusměrjona pśedewšym na pódwjacornu slawistiku.