Kradu wjelebocne temy bitujo lětosne nowemberske wudaśe Rozhlada. Wjele zajmnego a pśi tom wjele dolnoserbskego nadejźośo we njom. To se južo zachopijo pśi pśedsłowje, kenž jo napisała z Gołbina póchadajuca Maja Šram. Wóna dajo doglědy do swójogo wósobinskego wuwiśa. Za sebje jo spóznała, „což wopšawdu trjebne jo“, a tak jo jeje droga ju wjadła do małeje jsy, źož kublo zeleninu pó ekologiskich směrnicach, źož namakajo měr a gluku.