Kótare temy w Płomjenju góźe se wósebnje za dešćojty nazymski cas?

W nowemberskem casopisu dajo mjazy drugim recept za górucu šokoladu. Myslim se, až to lěbgodne piśe góźi se perfektnje za pśiduce zymne mjasece. Wušej togo wjele staršych a młodšych luźi załapiju tuchylu pśezymnjenja a teke how mamy dobru radu za cytaŕki a cytarjow. W seriji wó gójeńskich zelach a rostlinach dajo tenraz recept za sirup z carnego baza, kenž zmócnijo imunostny system a pódpěrujo wustrowjenje pśi gripalnych infektach. Howacej, gaž wence dešć se źo, rad pśebywamy w śopłej a spódobnej śpě z dobreju lekturu w rukoma. W Płomjenju cytaśo mjazy drugim luštnu baseń „Bubak a badak“ a pówucne wulicowanje „Zgubjony wósoł“. Wulicowanje móžośo sebje pśez QR-code abo na boku Rěcnego centruma WITAJ pód rubriku „casopise“ teke wótsłuchaś.

W slědnem wudaśu sćo pisali wó wašom woglěźe w bórkojskej šuli „Mina Witkojc“. Něnto jo artikel w Płomjenju k woglědoju w brjazyńskej šuli „Mato Kosyk“ ...