Z Města/Cottbus. Dajo wjele aktiwitow za zmócnjenje a spěchowanje serbskeje kultury a rěcy. K tomu słuša teke program serbskich projektow w strukturnej změnje Łužyce. Aby mógli něco k tomu groniś, lěc jo se situacija serbstwa změniła, trjebamy kšute daty. A musymy teke groniś móc, lěc změny su jano pśipad, lěc maju něco z powšyknymi wuwijanjami w towarišnosći cyniś abo lěc su specifiski serbske. Za stwórjenje politiskich rozsudow a gódnośenje drugich planow jo faktowy zakład notny. Až doněnta pak njamamy pšawu serbsku statistiku wšakorakich datow. Njejźo wó ewaluaciju serbskich institucijow, ale wó zběranje datow. Interpretacija buźo pón drugi kšac.