Z Města/Cottbus. Lětosa jo se załožył wósebny wuběrk, kenž ma se z tym zaběraś, co jo se w Chóśebuzu wšykno stało w casu korony w lětach 2020 – 2023, co jo było pšawe a notne a co nic. W toś tom gremiumje su zastupjone wšykne frakcije w měsćańskej gromaźenje a wušej togo hyšći wěcywuznate (Sachkundige) wobydlarje z Města. K tym pśisamem 30 cłonkam słuša Ole Schmalfuß ze Žylowa, cłonk pśedsedaŕstwa Domowinskeje župy Dolna Łužyca.

Wałtoru, 21. oktobra, jo se toś ten wuběrk južo tśeśi raz zmakał, a to w Měsćańskem domje. Nawjedował jo to wobradowanje Gunnar Kurth, pśedsedaŕ frakcije SPD.