Z Drjeźdžan/Dresden. Na swójo nazymske pósejźenje jo se Rada za serbske nastupnosći w Lichotnem staśe Sakska wałtoru, 30. septembra, w rumnosćach sakskeje statneje kanclaje w Drježdźanach zmakała. Južo pśed pósejźenim stej se cłonka rady Dawid Statnik a Julian Nyča na wobradowanju ze zastupnikami Lipšćańskeje uniwersity a Statnego ministaŕstwa za kulturu a wědomnosć wobźěliłej. Tema su byli wótglědane strukturelne a wopśimjeśowe změny pśi Instituśe za sorabistiku. Koncept uniwersity ma se pó wótgłosowanju z ministaŕstwom a serbskimi gremiumami w nowembrje pśedpołožyś.

W pśitomnosći zastupnikow pśisamem wšyknych frakcijow sakskego krajnego sejma kaž teke statnych ministaŕstwow jo pśedstajił Pětr Brězan problematiku kołowokoło płaśonkow GEMA w ramiku serbskich nałogow a swěźenjow. Serbska rada jo pšosyła statne kněžaŕstwo, pódobne rědowanja kaž w Bayerskej pśepytowaś, źož stat płaśonk za wěste zarědowanja zarownujo.