Z Błotow/Spreewald. Zjadnośeństwo serbskich rybakarjow Bórkowy & wokolina z.t. jo kóńc awgusta dobry statk k šćitoju družynow wugbało: 186 kilogramow młodych wugorjow su do našych domacnych wódow wusajźili.

Aktiwne serbske rybakarje rowno tak ako dorostowe rybakarje su byli dnja 28. awgusta z wjelimi zastupnikami ze wšych jadnotliwych kupkow w Błotach duc, aby 186 kilogramow wugorja w našych tšugach a rěckach wuźělili. Toś ta wažna napšawa dej stabilizěrowaś populaciju wugorjow. Wobstatk teje rybjeceje družyny jo w slědnych lětźasetkach dramatiski wótebrał. Cogodla su rybakarje pótakem něco wažnego z tym wugbali? Europejski wugoŕ (anguilla anguilla) jo mócnje wobgrozony.

Ta ryba zwónoźijo njewěrjobne drogowanje – wót našych rěkow až do Sargassowego mórja, aby tam nerknuła. Bźez cłowjeskeje pomocy by wobstatk wugorjow w Nimskej juž pśisamem se zgubił. Z akciju wobsajźby z wugorjami dajomy młodym rybam šansu, w šćitanej wokolinje rosć, aby mógali se jaden źeń sami na drogowanje wupóraś.