Z Čornego Chołmca/Schwarzkollm. Łužyca jo region, kenž se pśeměnijo. Aby to, w zwisku z dwójorěcnosću a serbskeju kulturu, do rozgrona pśinjasło, jo pšosyła Sakska agentura za wuwiśe strukturow (SAS) srjodu, 24. septembra, zajmcow do Krabatowego młyna w Čornem Chołmcu, ga na podiumowu diskusiju pód motom „Domownju zachowaś, pśichod wugótowaś – mjazy Krabatom a wuglom“. Z kóńcom wudobywanja brunice se njezměnijo jano góspodaŕstwo, ale to tek wobwliwujo žywjenje luźi, kótarež deje se nowo orientěrowaś. Pśichod regiona lažy mjazy zachowanim gódnotnych tradicijow a zmužnosću, něco nowego zwažyś. Wó tej změnje su diskutěrowali gósći na podiumje, pśi comž jo se publikum zapśimjeł. Na podiumje zastupjone su byli statna ministaŕka sakskego Ministaŕstwa za infrastrukturu a wuwiśe kraja Regina Kraushaar (CDU), zagronita za nastupnosći Serbow sakskego kněžaŕstwa Franciska Brechowa, drugi cłonk pśirady budyšyńskego wokrejsa dr.