Z Rownego/Rohne. Kaki swěźeń k zachopkoju nazymy. Pózne lěśe jo hyšći kšasne słyńcne pšugi pósłało, a wjele woglědari jo se pśinamakało na Njepilic dwórje. Pśedewšym wjelerakosć su chwalili. Cłonki Spěchowańskego towaristwa „Njepilic dwór Rowne z.t.“ su měli wjele dobrych idejow, aby wugótowali ten źeń ako dožywjenje za wšyknych. Kak derje to jo se raźiło, to pokažo, až Njepilic dwór juž dawno njesłuša jano do wejsnego žywjenja Rownego, ale jo teke kšuty wobstatk kulturnego žywjenja slěpjańskeje wósady a dalšneje wokoliny.