Z Kolska/Pólska. Šula za dolnoserbsku rěc a kulturu jo wót swójogo zasejzałoženja 1992 pśecej partnaŕske póśěgi k susednej Pólskej aktiwnje woplěwała. Tak teke w Euroregionje Sprjewja-Nysa-Bobr, źož jo se tegdejša wjednica Serbskeje rěcneje šule, Maria Elikowska-Winklerowa, za žywu wuměnu kultury a wědy k pólskim partnarjam w Żarach, Zielonej Górje, w Siedlisku a Żaganju zasajźiła. Na pśikład jo pólski chor „Konotopianie“ do Chóśebuza pśišeł a jo wustupił někotare raze na zarědowanjach rěcneje šule, mjazy drugim na „Serbskem wótpołdnju“ w Hochozy w lěśe 2023.