Z Janšojc/Jänschwalde. Njeźelu, 31. awgusta, jo na rĕdnem słyńcnem lěśojskem dnju Janšojski muzej kazał na prědne serbske familijowe wótpołdnjo. Jo to było nowe póbitowanje, jo groniła organizatorka a wjednica muzeja, Rosi Tšukowa.

Na małych a wjelikich woglědarjow su cakali słodne burske tykańce, kafej a druge piśa. W muzeju su se pokazali filmy za źiśi w serbskej a nimskej rěcy. Rumnosći muzeja su byli wótwórjone za wšyknych bźeze zastupnych pjenjez. Někak 20 woglědarjow som tam zmakała.

Źiśi we wšakorakem starstwje su sebje nejpjerwjej filmy woglědali. Pśi tom su se mjazsobu póznali a pótom wence wjasele gromaźe grajkali.