Septemberske Płomje jo wujšło. Kótare temy namakaju cytaŕki a cytarje w casopisu?

Płomje dej mjazy drugim ze swójimi gódańkami a žortami wjasele napóraś, ale casopis ma teke kubłański nadawk a tak jo tenraz jadna z temow w Płomjenju rozymne wužywanje smartfonow. Źiśi a młodostne dostanu pokazki, kótarež mógu pomagaś pśi wobgranicowanju wužywanja smartfonow. Teke sami mógu wóni pśemyslowaś a swóje ideje zapisaś. Pśizamknjo se tomu kwis, kenž dej jim wótegroniś pšašanje, lěc su snaź sami wótwisne wót smartfona. Móžno ga jo lěpjej cas wužywaś a póžywaś, na pśikład sportowaś. Sport jo dalšna tema w casopisu. Hyšći pśed lěśojskimi prozninami jo se wótměł w Janšojcach prědny balokopaŕski turněr Witaj-wuknikow. W Płomjenju zgóniju zajmce wěcej wó tom zarědowanju a wiźe rědne fota k tomu.

 Cesto nadejdu źiśi w Płomjenju zajmnostki wó rostlinach a zwěrjetach. Dajo take w septemberskem wudaśu?