Z Njebjelčic/Nebelschütz. Prědnu dobru powěsć jo měła Aneta Zahrodnikowa, wótpósłańcka Serbskego sejma a pśedsedaŕka jogo spěchowańskego towaristwa „Smy z.t.“, južo pśed pśezpołdnjejšeju pśestawku sobotnjejšego pósejźenja gremiuma w Njebjelčicach: Skóńcnje jo drježdźańske amtske sudnistwo termin za jadnanje wó skjaržbje pśeśiwo Załožbje za serbski lud wózjawiło: To buźo 18. nowembra 2025, zeger 9:15. Skjaržba se měri pśeśiwo rozsudoju załožby, Serbskemu sejmoju institucionelne spěchowanje wótbiś. Pšawiznik towaristwa „Smy z.t.“ jo 2022 togodla skjaržbu zapódał – ze zaměrom, płaśiwosć rozsuda załožby wóteprěś (anfechten), pšosbu „Smy z.t.“ wó spěchowanje Serbskego sejma wótpokazaś, a załožbu zasuźiś, až ma nowo rozsuźiś.

Sejmikarje kśě nanejmjenjej pódpěru za wutwórjenje jadnaŕskeje filiale dostaś, kótaraž by cesnoamtskim wótpósłańcam na pomocy była.